main takreeban har roz hi,
ek nazm likhti hun...
barishon ke wo mausam yad kar,
jo tumhare sath bhingoye hain...
wo gulabi wali chhatri,
meri aasmani si odhni......
sab sambhal kar rakhe hain,
jo tumhare sath bhingoye hain.......
akeli, bhingati,kanpti si wo sadak,
tap-tap barasti boondo ka wo shor...
aaj bhi wahi geet sunate hain,
jo tumhare sath bhingoye hain...
fisal kar tooti wo sunhari chhapal,
aur us par kichad ka wo dag....
aaj bhi aalte ke wahi rang gholte hain,
jo tumhare sath bhingoye hain.......
mere kandhe se dhalakta wo bhinga dupatta,
balon se tapkatei halki si boonde.....
aur tumhare bhhenge hathon ki wo garm salwate,
tej dhadkano ki badhti si aahten............
BAS wo lamha hi nahi milta,
jo tumhare sath bhingoye hain.........
2 comments:
aapki kavitaaon ko ab tak jitna padha hai divya us se itna samjha hoon ki chhoti chhoti baaton ka bahut khyaal rakhti hain.
gulaabi chhatri(samanyataya koi bhi sirf chhatri likhta)
Aasmani si odhni(phir wahi baat)
kaanpti si sadak,boondon ka shor,sunahri chappal
ye sundarta hai is kavita ki.jaise har baat kisi nazare ki tarah saane se guzar ja rahi ho.bhaavon ko is tarah utaar daalna mushkil sa kaam hai..magar aapne bakhoobi nibhaya hai.
aapki kavitaaon ka ant ek chamatkar ki tarah hota hai hamesha.jaise acahanak koi naya darwaza khul gaya ho.ajeeb sa dard hai is kavita mein....mera kuchh saamaan ki yaad dilata hai mujhe....
Post a Comment