Tumhare liye ek khwab bachakar rakha hai,
apne in aawara najron se.......
ek sham hai,
bilkul tapte pighalte sooraj ke sone wali....
samander ke laharon se,
saja ek neela roomani sa rasta....
chandani jahan doodh se nahakar,
dikhayegi hume apni parchhaian.....
kitna kuchh bolti hain,
meri chup chup si pareshan aankhen....
ulajhi-ulajhi har dhadkan,
mere hi aanchal ke sut se.....
dheere se chhuna mera hath,
jaise chand par rakhi ho ungali tumne.....
halke se kano me kehna,
jo sunna hai mujhe barbar....
sharm ko titliyon ke rang,
mere galon par dalkar kho jane do...
lelo apni bahon me aur,
roshan ho jane do is ek ehsas ko....
simati si sahmi si ye rat,
jaise koi aksh ho mera hi.....
is chhawn ko jal jane do,
apne chand ke aanch me...
aankhen jo moond lun to kholun na kabhi...
tumhare liye ek khwab bachakar rakha hai....
5 comments:
ek hi khwab kai baar tynhi dekha hai maine.....
iski yaad dilata hai(no ofence,ye nahin kah raha ki aap thoughts chori karti hain.gulzar saab ko itna sun liya hai ki har kavita koi na koi gaane ki yaad dila deti hai)
bahut khoobsoorat sa khwab hai ye.gudguda jata hai bilkul.
ek sham hai,
bilkul tapte pighalte sooraj ke sone wali.
samandar ka lehron se
saja ek neela roomaaniyat sa rasta..
how romantic.kho jaane ka dil karta hai in khwaabon mein.padh kar lagta hai jaise koi halke halke chhoo raha ho neend ko hamari...aahista aahista kadam rakh raha ho..chal raha ho khwab mein kahin...
dheere se chhuna mera hath,
jaise chand par rakhi ho ungali tumne...
kitna sateek hai najuki aur khoobsoorati ka varnan.
is chhawn ko jal jane do,
apne chand ke aanch me...
aankhen jo moond lun to kholun na kabhi...
bahut hi pyaari si panktiyaan.bahut bahut pyaari.main bata nahin sakta ki is kavita ne kaun sa pahloo choo liya hai mere mann ka.
thanks for writing this Divya.lovely.very lovely
aisi khwabon ke dhaagon se buni kavitaayein likhte rahiye.
oh.ye to dekha hi nahin ki ye 14 february ki rachna hai.
tabhi kahoon ye pyaar kuchh zyada hi kyun umad kar aa raha hai shabdon mein ;).khuda kare aapka ye khwab sach ho jaaye
sach kahu.n....!!
To mai.n yahaa.n bas yu.n hee aagaya....aor saari nazme.n lagaa padh chuka hu.n...
Bas ja hee rahaa tha ki aapki is nazm me.n ek harf AANCH najar aaya aor ruk gayaa mai.n....
Aapki aawara nazro.n se khud bhi bachate huee aor
aapke is khab ko bachate hue..
Shuru se aakhir tak ye nazm padh gaya..
Ek roomani sa dard jehan tair gayaa.......
Thanx 4 this lovely poem doc...
hun..thanks piyush aapki ye bat achhi lagti hai ki aap bade man se padhte ho..aur aap jitna achha likhte ho utne hi humble bhi ho...agr hum aapke jaisa likhte hote na to shayd zmin se do inch upar chalte....hehehe
aur aapki dua ka special thanks,alag se..
Post a Comment